Øll útiliðini vunnu, tá tríggir dystir vóru í dag í Eik-liguni hjá kvinnum og ein hjá monnum. Hjá kvinnunum er framvegis hørð kapping um, hvør fær eitt finalupláss ímóti SÍ.

Einki veruliga óvæntað úrslit var í Eik-liguni hjá kvinnum í dag, men tó var tað kanska eitt sindur óvæntað, at TB skuldi hava so striltið við at syfta botnliðnum, KÍF – eisini, hóast TB ikki spældi við sterkastu uppstilling allan dystin.

Oddaliðið, SÍ, vann ein tryggan útisigur á ÍF, sum ongantíð megnaði at hótta. Dráttur vann fyri triðju ferð á rað á Fleyr, ið tykist vera fullkomuliga uppsteðgað og nú ikki longur kann roknast millum finalukandidatarnar.

Hjá monnunum fylgdi ÍF í løtum hampuliga væl við SÍ, men tað var kortini ikki nóg mikið til at hótta sørvingar, ið eru væl á veg ímóti finaluni, ið óivað verður ímóti Mjølnir.

Eik-ligan, kvinnur
ÍF-SÍ 0-3 (7-25, 13-25, 17-25)
KÍF-TB 0-3 (7-25, 23-25, 20-25)
Fleyr-Dráttur 1-3 (18-25, 25-18, 23-25, 11-25)
Støðan: Mjølnir 15, SÍ 14, Fleyr 8, ÍF 0

Eik-ligan, menn
ÍF-SÍ 0-3 (17-25, 20-25, 23-25)
Støðan: SÍ 15, TB 11, Mjølnir 10, Dráttur 9, Fleyr 7, ÍF 2, KÍF 0