Gunnar Haraldsen, sum í ár var fastur fúsur í verjuni hjá 07 Vestur, verður komandi ár at síggja í AB-búnanum

Tað skrivar AB á heimasíðu sínari.
- Eg havi nú spælt í Vágum í fleiri ár, og vildi tí gjarna koma aftur til Havnar at spæla. Tá so møguleikin var at koma á liðið hjá AB, tók eg av. AB gjørdi tað gott í fjør, og tað skuldi verið møguleiki fyri at klára tað enn betur næsta ár. AB er eitt hart kempandi lið, og tað passar mær væl, sigur Gunnar Haraldsen við heimasíðuna hjá AB.
Sjúrður Olsen, næstformaður í FC Argjum, og venjarin, Allan Mørkøre, fegnast á heimasíuðni um, at Gunnar verður í hópinum komandi kappingarár.
- Gunnar kann spæla á fleiri plássum, og hann hevur royndir frá bestu deildini. Tað hevur nógv at siga, siga teir báðir við heimasíðuna.